Klaaf on Verzäll: Neuseeland (2)

De näxte Mettesch haan isch meng Vrau ahjeroffen, jöst wie äen Hönnengen d‘Raketen ant knalle worren vörr de Johresweëssel. Sie hatte Schnië bej minus 15 on merr sohssen ä Short on T.Shirt op en Terrass bej 25 Jrad. Merr haan e Schäeffs-Museum besott on donoht en Vahrt mäet nem Schnellboot öevver d‘Meer jebucht. Datt worr en rasant Vahrt van anderthallever Stonn, wo merr mäet den Delfinen öm d‘Wätt, öm e paar Robben-Inselen jerannt seen on zom Schluss doresch e Looch äen de Fälsen wo d‘Boot jenau doresch passt. Janz dohl.

Dat näxt Ziel worr die Coromandel-Halbinsel wo merr äen Thames enn stelljelaat Joldmine besott haan, wo merr die janz Prozedur vam Jold-Ahfbouw vervolleje konn. Doresch Urwälder on wunderschön Landschaften see merr an de Pazifik jevahren, wo isch den andere Morjen bahl ahfjesoffe wörr. Isch worr öm en Klippe and‘schwäemmen on äen ne Strudel jerohden, wo isch net mie erus kohm. Helmut on Jean-Luc hatten dat Probleem erkannt, äen en jemeinsam Aktsjuën haan sie misch erus jeträckt, esäes hät et hej die Jeschischt net jäen.

Weil Neuseeland zom -Pazifische Feuerring-jehüert, en Vulkankette, die sesch op en Längt va 40.000 km, bahl rond öm den Ozean träckt, jett et äen d‘janz Land sier aktiv Vulkantäteschkeet. An de Strand van Hot-Water Beach, kohm esonn heiss Wasser uss dem Boëdden, dätt merr sesch d‘Vöss doran verbröne konn, dodoresch worr d‘Meerwasser an de Strand och sier warem.

De näxten Daach worre merr ä Waitomo, wo Höhlen on Jrotten ze besischteje worren. Nohdäem merr doresch e paar Tropfsteinhöhlen jevoort worre jäen,kohme mer äen en jrues önderirdesch Hall, wo, wie de Vöhrer saat, en sier jott Akkustik wörr, wän ömmes e Led sänge wöll, datt wörr de bääste Platz. Datt worr vörr oss die Jeläjenheet, de Neuseeländer die Hymne van Ostbeljen :Die Maiennacht, bejzebrängen. Datt moss sesch esu jott ahjehurt haan, dätt en dütsch Jrupp sesch informeere kohm watt datt vörr e schön Led wörr. Donoht kohme merr an nen önderirdesche See, vohre mäet nem Boot no der „Glühwürmschen"Jrotte, wo et stockdüster worr, wo hösch ohven, Milljuëne kleener Lämpscher ant lüete worren, merr ment et wörr ne Stärenhemmel. Einfach härrlesch.

Je noher merr der Stadt Rotorua kohmen, ömso stareker worr de Jerooch va Schwefel äen d‘Luët. Aen, on öm die Stadt jett et öevveral heiss Quellen on Geysire, die Schwefeldamp ussstöessen. Doh blubbere Schlammlöhscher wä Jahsblohsen opstejjen, die janz Jäjend äes ant quallemen.Doh jäen janz Städt on och Schwäemmbäder vam warme Wasser uss dem Boëddem beheizt. Achtzisch Prozent vam Stromverbruch äent Land, könt va Wasser-on Thermokraftwärker,de Räst va Wäend on Sonnenenergie.

Merr see schwäemme jangen on haan oss ahjemält vörr en Hängi-Eissen.

Mäet nem relijösen Ritual sätzen die Maoris äen de spohde Nohmettesch, Kübele mäet Eissen äen de warme Boëddem, däcken die mäet nem Köhvählahf on schöppe Sand dodrop. Donoht worr äen die anjrenzend Kulturhall e Projramm va veer Stonn, wo die Jääst mäet traditjonällen Dänz, mäet Musik on Jesang önderhahle johfen. Während därr Zitt worr dat Eissen äen de Boëddem mell jäen on johf alderöm mäet nem jewisse Ritual eropjehoëlt. Bej ne jodde Neuseeländesche Weeng(Blenheim-Montana), hatte merr, bej landestypesch Jemöhs mäet Bataten (söhss Jrompere),drej Zorte Vleesch on och noch e paar Zorte Vesch op den Desch. Dat alles johf ahfjerondt mäet Platen van exoteschem Obst on Früschten (On Weeng). E Jelöck dätt net jöst Vahstenzitt worr, esäes hätte merr os deën Daach schwär versöndescht (Jeht wegder)